Desde este sinxelo portal de Internet, que se abre a cantos queiran visitarnos a través das novas tecnoloxías, quero en nome de todos os que formamos a Comunidade Educativa do Colexio "SAGRADO CORAZÓN" MERCEDARIAS - FERROL, saudarvos e comunicarvos o noso desexo de que sexa canle para maior comunicación e entendemento entre todos.

Abrímolo hoxe, día dos Dereitos Humanos, tamén día de Acción Liberadora, que é un día especial para toda a Familia Mercedaria. Facémolo coa alegría e a ilusión de que sexa un novo medio de transmisión dos valores que fundamentan o nosa labor educativa mercedaria: TRABALLO RESPONSABLE, RESPECTO, SOLIDARIEDADE, XUSTIZA, PAZ, LIBERDADE, FELICIDADE.

O noso inicio é como o dunha pequena semente que esperamos xermine, creza e desenvólvase. Sabemos que é tarefa de grupo, non de individualidades, por iso esperamos colaboración.

Somos conscientes de que aínda que isto é novo, púidose facer realidade grazas aos esforzos de quen nos precederon, e co seu esforzo e dedicación legáronnos a ilusión de transmitir os valores evangélicos cos medios adecuados a cada momento.

Grazas tamén aos que hoxe, na tarefa do día a día, contribúen a que isto sexa posible. Empezamos coa colaboración desinteresada de moitos e de modo especial coa de M.A.G., que foi configurando este portal.

Un saúdo a todos os visitantes, de forma especial ás alumnas e alumnos do Centro, ás súas familias e a cantos pasaron por este Colexio.

Ferrol, 10 de Decembro de 2002

María-Dorita López Paz, Directora.